പാലാ: ജയിക്കുമെന്ന കാര്യത്തില്‍ യാതൊരു ആശങ്കയുമില്ലെന്ന് യു.ഡി.എഫ് സ്ഥാനാര്‍ഥി ജോസ് ടോം. എല്ലാ തവണത്തേക്കാളും പോളിങ് ഇത്തവണയുണ്ടാവുമെന്ന് പ്രതീക്ഷ പ്രകടിപ്പിച്ച അദ്ദേഹം യു.ഡി.എഫിന് ഭൂരിപക്ഷം കൂടുമെന്ന് ആവര്‍ത്തിച്ചു. കെ.എം മാണി എന്ന വികാരം ജനങ്ങളുടെ മനസ്സിലുണ്ടാവുമെന്നും അദ്ദേഹം കൂട്ടിച്ചേര്‍ത്തു. നൂറ് ശതമാനം വിജയപ്രതീക്ഷ. വിജയത്തില്‍ ആശങ്കയില്ലെന്നും അദ്ദേഹം പ്രതികരിച്ചു.

മാണി പ്രധാന ഘടകമാണ്. ഇത്തവണ ഭൂരിപക്ഷം വര്‍ധിക്കുമെന്ന് വോട്ടുചെയ്യാനെത്തിയ കെ.എം മാണിയുടെ ഭാര്യ കുട്ടിയമ്മ പ്രതികരിച്ചു. കെ.എം മാണി ഒരു 'ഫാക്ടര്‍' അല്ല, 'ഫാക്ട്' ആണെന്ന് ജോസ് കെ മാണി ചൂണ്ടിക്കാട്ടി.