ആനക്കര: ആനക്കര മസ്ജിദു ശാദുലിയില്‍ മജ്‌ലിസുന്നൂറും ദിക്‌റ് ദുആ മജ്‌ലീസും നടന്നു. രാവിലെ മുതല്‍ സ്ത്രീകള്‍ അടക്കം നിരവധി വിശ്വാസികള്‍ ചടങ്ങിനെത്തിയിരുന്നു. സ്ത്രീകള്‍ക്ക് പ്രത്യേക ഇരിപ്പിടം സജ്ജമാക്കിയിരുന്നു. രാവിലെ സയ്യിദ് അന്‍വര്‍ തങ്ങള്‍ കാലടിയുടെ നേതൃത്വത്തില്‍ ആനക്കര മഖാം സിയാറത്തോടെ തുടക്കമായി. മുസ്തഫ ഫൈസി എറവക്കാട്, സയ്യിദ് അന്‍വര്‍ തങ്ങള്‍ കോട്ടക്കുന്ന്, ഷെരീഫ് ഹുദവി, മൊയ്തീന്‍കുട്ടി ഫൈസി, സെയ്‌നുദീന്‍ മുസ്‌ലിയാര്‍, സിറാജ് ഉസ്താദ് ആനക്കര സംബന്ധിച്ചു. തുടര്‍ന്ന് ഖുര്‍ആന്‍ മനഃപാഠമാക്കിയ 14 കാരന്‍ ഹാഫിള് ജാബീര്‍ കോട്ടകുന്നിന്റെ നേതൃത്വത്തില്‍ മരണം ചില ചിന്തകള്‍ എന്ന വിഷയത്തില്‍ പ്രഭാഷണം നടന്നു. ഉച്ചയ്ക്ക് ശേഷം നടന്ന മജ്‌ലിസുന്നൂര്‍ സയ്യിദ് വി.പി. പൂക്കോയ തങ്ങള്‍ ഉദ്ഘാടനം ചെയ്തു. മൊയ്തീന്‍കുട്ടി ഫൈസി അധ്യക്ഷനായി. ബുജൈര്‍ വാഫി മുഖ്യപ്രഭാഷണം നടത്തി. വൈകിട്ട് നടന്ന സമാപന ദുആ സമ്മേളനത്തിന് ചെറുവാളൂര്‍ ഉസ്താദ് നേത്യത്വം നല്‍കി. അബു സിറാജ് ഫൈസി നന്ദി പറഞ്ഞു