വളാഞ്ചേരി: പള്ളിപ്പുറം ദാറുല്‍ അന്‍വാര്‍ ഇസ്‌ലാമിക് കോംപ്ലക്‌സിലെ സയ്യിദ് ഉമറലി ശിഹാബ് തങ്ങള്‍ സ്മാരക സൗധത്തിന്റെയും വഫിയ്യ കോളജിന്റെയും ഉദ്ഘാടനം ഇന്നും നാളെയും മറ്റന്നാളുമായി നടക്കും. സ്മാരക സൗധത്തിന്റേയും വഫിയ്യ കോളജിന്റെയും ഉദ്ഘാടനംസയ്യിദ് സാദിഖലി ശിഹാബ് തങ്ങള്‍ നിര്‍വഹിക്കും.
സി.കെ.എം സ്വാദിഖ് മുസ്‌ലിയാര്‍ അധ്യക്ഷനാകും. അബ്ദുല്ല മുസലിയാര്‍ മുഖ്യാതിഥിയാകും. ഹക്കീം ഫൈസി ആദൃശ്ശേരി, ഹംസക്കുട്ടി മുസ്‌ലിയാര്‍, നൗഷാദ് ബാഖവി ചിറയിന്‍കീഴ് എന്നിവര്‍ പ്രഭാഷണം നടത്തും. 18നു രാവിലെ 8.30ന് ബുര്‍ദ മജ്‌ലിസ് പാണക്കാട് സയ്യിദ് റഷീദലി ശിഹാബ് തങ്ങള്‍ ഉദ്ഘാടനം ചെയ്യും. പി. അഹമ്മദ് എന്ന കുഞ്ഞിപ്പു മുസ്‌ലിയാര്‍ അധ്യക്ഷനാകും. ചെമ്പലുങ്ങാട് സി.പി മുഹമ്മദ് കുട്ടി മുസ്‌ലിയാര്‍ പ്രാര്‍ഥന നടത്തും. സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ മുഖ്യാതിഥിയാകും.
ഉച്ചയ്ക്ക് 12നു നടക്കുന്ന ദുആ സമ്മേളനത്തിനു കോഴിക്കോട് ഖാസി സയ്യിദ് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍ക്കും. പി. മുഹമ്മദ് കുട്ടി മുസ്‌ലിയാര്‍ നാടപറമ്പ്, പി.ടി മുഹമ്മദ് കുട്ടി ഹാജി വിളത്തൂര്‍, ഹാഫിള് സാജിദ് മുസ്‌ലിയാര്‍ തിരുവേഗപ്പുറ സംബന്ധിക്കും. വാര്‍ത്താസമ്മേളനത്തില്‍ പി.കെ മുഹമ്മദ് കുട്ടി മുസ്‌ലിയാര്‍ പള്ളിപ്പുറം, ടി.കെ മുഹമ്മദ് കുട്ടി ഫൈസി കരുവാന്‍പടി, പി. അഹമ്മദ് എന്ന കുഞ്ഞിപ്പു മുസ്‌ലിയാര്‍, വി.പി കുഞ്ഞിപ്പു ഹാജി കൊടുമുണ്ട, പി.ടി കുഞ്ഞുമുഹമ്മദ് എന്ന ബാവനു ഹാജി വിളത്തൂര്‍, എം.പി മുഹമ്മദ് കുട്ടി ഹാജി മൂന്നുമൂല, പി. മാനു ഹാജി കൈപ്പുറം, എം.പി ഹസന്‍ ഹാജി നാടപറമ്പ് പങ്കെടുത്തു.