വഴിക്കടവ്: നാടുകാണി ചുരം പാതയില്‍ ജാറത്തിനു സമീപം മരം റോഡിലേക്ക് വീണ് ഗതാഗതം തടസപ്പെട്ടു. മണിക്കൂറുകളോളമാണ് അന്തര്‍ സംസ്ഥാന പാതയില്‍ വാഹനങ്ങള്‍ ഗതാഗതക്കുരുക്കില്‍ പെട്ടത്. ചുരം പാതയില്‍ ഇരു വശത്തുമായി അപകടകരമായ രീതിയില്‍ നിരവധി മരങ്ങള്‍ റോഡിലേക്ക് വീഴുന്ന സ്ഥിതിയിലാണുള്ളത്. നിലമ്പൂരില്‍ നിന്നും എത്തിയ ഫയര്‍ ഫോഴ്‌സ് സംഘം സ്ഥലത്തെത്തി മരം മുറിച്ചുമാറ്റിയാണ് ഗതാഗതം പുനഃസ്ഥാപിച്ചത്. സ്റ്റേഷന്‍ ഓഫിസര്‍ എം. അബ്ദുല്‍ഗഫൂര്‍, ഫയര്‍ഫോഴ്‌സ് ഉദ്യോഗസ്ഥരായ കെ. യൂസഫലി, ഇ.എം ഷിന്റു, കെ. ഷൈജു. ടി.സി നിഷാന്ത്, എമര്‍ജന്‍സി റെസ്‌ക്യൂ ഫോഴ്‌സ് അംഗം ഉനൈസ് എന്നിവരുടെ നേതൃത്വത്തിലായിരുന്നു രക്ഷാപ്രവര്‍ത്തനം നടത്തിയത്.