കുറ്റ്യാടി: തൊട്ടില്‍പ്പാലം-വയനാട് സംസ്ഥാനപാതയില്‍ മുളവട്ടത്ത് കാര്‍ അപകടത്തില്‍പെട്ട് നാലുപേര്‍ക്ക് പരുക്ക്.
വയനാട്-കല്‍പ്പറ്റ സ്വദേശികളായ കുടുംബം സഞ്ചരിച്ച ഒമ്‌നി കാറാണ് അപകടത്തില്‍പെട്ടത്. ഇന്നലെ വൈകിട്ട് ആറോടെയാണ് സംഭവം. അപകടത്തില്‍ ഡ്രൈവര്‍ കൃഷ്ണന്‍കുട്ടി (48), ജയപ്രകാശ് (38), രമ്യ (27), ബിന്ദു (46) എന്നിവര്‍ക്കാണ് പരുക്കേറ്റത്. ഇവരെ കോഴിക്കോട് മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ഇതില്‍ കൃഷ്ണന്‍കുട്ടിക്കാണ് സാരമായി പരുക്കേറ്റത്. മറ്റുള്ളവരുടെ പരുക്ക് ഗുരുതരമല്ല.
കല്‍പ്പറ്റ പുത്തൂര്‍വയലില്‍ നിന്നു കുറ്റ്യാടി ഭാഗത്തേക്ക് പക്രന്തളം ചുരമിറങ്ങി അമിതവേഗതയില്‍ വന്ന വാന്‍ മുളവട്ടത്ത് മറ്റൊരു കാറുമായി ഇടിക്കുകയും അപകടത്തില്‍പെടുകയുമായിരുന്നു.