കൊയിലാണ്ടി: അതിര്‍ത്തി തര്‍ക്കത്തെ തുടര്‍ന്ന് ടീ സ്റ്റാളിനു നേരെ കൈയേറ്റം. കൊല്ലം ബീച്ച് റോഡില്‍ കെ.വി ആലിക്കുട്ടിയുടെ ഉടമസ്ഥതയിലുള്ള സാജി ബില്‍ഡിങ്ങില്‍ പ്രവര്‍ത്തിക്കുന്ന കുട്ടിക്കാന്റെ തട്ടുകടക്ക് നേരെയാണു കഴിഞ്ഞദിവസം രാത്രി കൈയേറ്റം നടന്നത്. ബോര്‍ഡും പന്തലും തകര്‍ത്തിട്ടുണ്ട് .
കടയിലെ പ്രവര്‍ത്തനങ്ങള്‍ക്ക് തടസം സൃഷ്ടിച്ച് ടിപ്പര്‍ ലോറി മുന്‍പില്‍ നിര്‍ത്തിയിട്ടുമുണ്ട്. കെട്ടിട ഉടമയും സമീപവാസിയുമായാണ് അതിര്‍ത്തി തര്‍ക്കമുള്ളത്. സംഭവത്തില്‍ കൊയിലാണ്ടി പൊലിസില്‍ പരാതി നല്‍കിയിരുന്നു. പരാതി നല്‍കി രണ്ടുദിവസമായിട്ടും സംഭവസ്ഥലം സന്ദര്‍ശിക്കാനോ, അന്വേഷണം നടത്താനോ ബന്ധപ്പെട്ട അധികൃതര്‍ തയാറായിട്ടില്ലെന്ന് കെട്ടിട ഉടമ പറഞ്ഞു.