റിയാദ്: സഊദി അറേബ്യയുടെ 89 ാം ദേശീയ ദിനം രാജ്യമെങ്ങും സമുചിതമായി ആഘോഷിച്ചു. റിയാദ്, ജിദ്ദ, ദമാം, മക്ക, മദീന, ബുറൈദ, അല്‍ അല്‍അഹ്സ തുടങ്ങി രാജ്യത്തെ 13 പ്രവിശ്യകളിലും വൈവിധ്യര്‍ന്ന പരിപാടികളാണ് അരങ്ങേറിയത്. മണ്ണിലും വിണ്ണിലും കടലിനടിയിലെ ദേശീയദിനാഘോഷ പരിപാടികള്‍ സംഘടിപ്പിച്ചു. കൂടാതെ, വിവിധ നഗരങ്ങള്‍ കേന്ദ്രീകരിച്ച് പാരാ ഗ്ലൈഡിങ് പരിപാടികളും എയര്‍ ഷോയും അരങ്ങേറി. ദേശീയ ദിനം വര്‍ണാഭമാക്കുന്നതില്‍ സഊദി പൗരന്മാരുമൊത്ത് പ്രവാസികളും സജീവമായിരുന്നു. പ്രവാസികള്‍ വിവിധ പരിപാടികള്‍ സംഘടിപ്പിച്ചതോടൊപ്പം രക്ത ദാനം നല്‍കി വിവിധ സംഘടനകള്‍ അന്നം തരുന്ന നാടിനോടുള്ള കൂറ് ഒരിക്കല്‍ കൂടി വിളിച്ചോതി.
സഊദി ഭരണാധികാരി സല്‍മാന്‍ ബിന്‍ അബ്ദുല്‍ അസീസ് രാജാവും കിരീടാവകാശി മുഹമ്മദ് ബിന്‍ സല്‍മാന്‍ രാജകുമാരനും ദേശീയ ദിന സന്ദേശം അറിയിച്ചു.