കണ്ണൂര്‍: സി.പി.എം നേതാവ് പി. ജയരാജനെ അപകീര്‍ത്തിപ്പെടുത്തുന്ന തരത്തില്‍ സമൂഹമാധ്യമങ്ങളില്‍ പോസ്റ്റിട്ട കേസില്‍ മുഖ്യപ്രതി അറസ്റ്റില്‍. മലപ്പുറം എടവണ്ണ ചാത്തല്ലൂര്‍ വലിയ പീടികക്കല്‍ കെ. നൗഷാദിനെ (30) യാണ് ടൗണ്‍ പൊലിസ് അറസ്റ്റ് ചെയ്തത്. പി. ജയരാജന്‍ ബി.ജെ.പിയില്‍ ചേരുന്നുവെന്ന സന്ദേശം പ്രചരിപ്പിച്ചുവെന്നാണ് ആരോപണം. നൗഷാദ് അഡ്മിനായ 'നിലപാട്' എന്ന വാട്ട്‌സ്ആപ് കൂട്ടായ്മയുണ്ട്. ഇതിലൂടെയാണ് ജയരാജനെതിരേ സന്ദേശം പ്രചരിപ്പിച്ചത്.
സംഭവത്തില്‍ കൂടുതല്‍ പേരെ അറസ്റ്റ് ചെയ്യുമെന്നു പൊലിസ് അറിയിച്ചു. സംഘ്പരിവാര്‍ അനുകൂല ടെലിവിഷന്‍ ചാനലിന്റെ ലോഗോ വച്ച പോസ്റ്ററുകള്‍ അടക്കം ഉപയോഗിച്ചാണ് പ്രചാരണം നടത്തുന്നതെന്ന് പി. ജയരാജന്‍ ആരോപിച്ചിരുന്നു.