താമരശ്ശേരി: താലൂക്ക് സപ്ലൈ ഓഫിസിന്റെ പരിധിയിലുള്ള പുതുപ്പാടി ഗ്രാമ പഞ്ചായത്തിലെ കാക്കവയല്‍, വെസ്റ്റ് കൈതപ്പൊയില്‍, കുപ്പായക്കോട്, ഏലോക്കര എന്നിവിടങ്ങളിലെ പുതുക്കിയ റേഷന്‍ കാര്‍ഡുകള്‍ അതാത് റേഷന്‍ കട പരിസരത്ത് വച്ചും ഈങ്ങാപ്പുഴ റേഷന്‍ ഷോപ്പിലേത് - വൈ.എം.സി.എ ഹാളില്‍ വച്ചും 19ന് തിങ്കളാഴ്ച രാവിലെ 9.30 മുതല്‍ വൈകുന്നേരം അഞ്ച് വരെ വിതരണം നടത്തുന്നതാണെന്ന് താലൂക്ക് സപ്ലൈ ഓഫിസര്‍ അറിയിച്ചു. റേഷന്‍ കാര്‍ഡ് കൈപ്പറ്റുന്നതിനായി കാര്‍ഡുടമയോ കാര്‍ഡിലുള്‍പ്പെട്ട വ്യക്തിയോ പഴയ റേഷന്‍ കാര്‍ഡ് സഹിതം തിരിച്ചറിയല്‍ രേഖയുമായി ഹാജരാകണം. മുന്‍ഗണനാ വിഭാഗത്തിന് 50 രൂപയും പൊതു വിഭാഗത്തിന് 100 രൂപയുമാണ് കാര്‍ഡിന്റെ വില.
മുന്‍ഗണനാ വിഭാഗത്തിലെ പട്ടികവര്‍ഗത്തില്‍ പെട്ടവര്‍ക്ക് കാര്‍ഡ് സൗജന്യമായി വിതരണം ചെയ്യും.