മലപ്പുറം: ദാറുല്‍ഹുദാ യു.ജി മാനേജ്‌മെന്റ് ശില്‍പശാല വിവിധ കര്‍മപദ്ധതികള്‍ ആവിഷ്‌കരിച്ചു. ദാറുല്‍ഹുദാ ഇസ്‌ലാമിക് സര്‍വകലാശാലയുടെ കേരളത്തിനകത്തും പുറത്തുമുള്ള 28 യു.ജി കോളജുകളുടെ മൂന്നുവീതം മാനേജ്‌മെന്റ് പ്രതിനിധികളാണ് പാണക്കാട്ടെ ഹാദിയ സി.എസ്.സിയില്‍ നടന്ന ശില്‍പശാലയില്‍ സംബന്ധിച്ചത്. ദാറുല്‍ഹുദാ ചാന്‍സലര്‍ സയ്യിദ് ഹൈദരലി ശിഹാബ് തങ്ങള്‍ ശില്‍പശാല ഉദ്ഘാടനം ചെയ്തു.
വി.സി ഡോ. ബഹാഉദ്ദീന്‍ മുഹമ്മദ് നദ്‌വി അധ്യക്ഷനായി. സമസ്ത വൈസ് പ്രസിഡന്റ് യു.എം അബ്ദുറഹ്മാന്‍ മുസ്‌ലിയാര്‍ പ്രാര്‍ഥന നടത്തി. വിവിധ സെഷനുകള്‍ക്ക് എസ്.വി മുഹമ്മദലി മാസ്റ്റര്‍, ഡോ. ബശീര്‍ മാസ്റ്റര്‍ പനങ്ങാങ്ങര, ഡോ. സുബൈര്‍ ഹുദവി ചേകന്നൂര്‍, ടി. അബൂബക്കര്‍ ഹുദവി ,യു. ശാഫി ഹാജി, ഡോ. യു.വി.കെ മുഹമ്മദ് എന്നിവര്‍ നേതൃത്വം നല്‍കി.
വിവിധ സ്ഥാപനങ്ങളെ പ്രതിനിധീകരിച്ച് സമസ്ത മുശാവറ അംഗം ത്വാഖാ അഹ്മദ് മൗലവി, കെ.എം സൈദലവി ഹാജി കോട്ടക്കല്‍, ഹംസ ബിന്‍ ജമാല്‍ റംലി, എ. അബ്ദുറഹ്മാന്‍ തളങ്കര, പി.വി മുഹമ്മദ് മൗലവി, സി.കെ.കെ മാണിയൂര്‍, അബ്ദുറഹ്മാന്‍ മുസ്‌ലിയാര്‍ കൂനഞ്ചേരി, ആറ്റക്കോയ തങ്ങള്‍ വല്ലപ്പുഴ, എം.കെ ഹനീഫ ഹാജി ചേലേമ്പ്ര, ടി. അബ്ദുല്‍ഹഖ്, പി.കെ മുഹമ്മദ് അലി ഹാജി, പി.കെ ശമീര്‍ ഫൈസി, അബ്ദുല്‍ ഗഫൂര്‍ ഹാജി തളിപ്പറമ്പ്, മുഹമ്മദലി മാസ്റ്റര്‍ തൂത, എം. ഫൈസല്‍ ഹാജി തലശ്ശേരി, കെ.എന്‍ മുസ്തഫ കണ്ണാടിപ്പറമ്പ്, ടി.എസ് പൂക്കോയ തങ്ങള്‍ പാണ്ടിക്കാട്, സി.പി അബ്ദുല്ലക്കോയ തങ്ങള്‍ കൊടുവള്ളി, അബൂബക്കര്‍ ഹാജി പട്ടാമ്പി, എ.കെ മുഹമ്മദ് ദാരിമി വയനാട്, എ.ടി ബശീര്‍ ഹാജി കുറ്റിക്കാട്ടൂര്‍, സി.എ ഉമര്‍ മുംബൈ, ഹിറ അബ്ദുല്‍ ഖാദിര്‍ ഹാജി മാടന്നൂര്‍, മുനീര്‍ ഹാജി ഹാംഗല്‍ സംബന്ധിച്ചു.