സിയൂള്‍: പരിശീലകന്‍ ഉലി സ്റ്റെയിലികെയെ ദക്ഷിണ കൊറിയ ഫുട്‌ബോള്‍ ടീം പുറത്താക്കി. കഴിഞ്ഞ ദിവസം നടന്ന ലോകകപ്പ് യോഗ്യതാ പോരാട്ടത്തില്‍ ഖത്തറിനോടേറ്റ ഞെട്ടിക്കുന്ന തോല്‍വിക്ക് പിന്നാലെയാണ് കോച്ചിന്റെ സ്ഥാനം നഷ്ടമായത്. 2014ല്‍ സ്ഥാനമേറ്റ സ്റ്റെയിലികിന്റെ കീഴില്‍ ലോകകപ്പ് യോഗ്യതാ പോരാട്ടത്തില്‍ മോശം പ്രകടനമാണ് ടീം പുറത്തെടുത്തത്. 32 വര്‍ഷത്തിന് ശേഷമാണ് ഖത്തറിനോട് ദക്ഷിണ കൊറിയ തോല്‍ക്കുന്നത്. ഈ തോല്‍വിയോടെ അവരുടെ ലോകകപ്പ് യോഗ്യതയും ത്രിശങ്കുവിലായി.