സ്റ്റാവന്‍ജെര്‍: ഇന്ത്യയുടെ വിശ്വനാഥന്‍ ആനന്ദിന് അല്‍ടിബോക്‌സ് നോര്‍വെ ചെസ്സ് ടൂര്‍ണമെന്റില്‍ സമനില. അമേരിക്കയുടെ ഹികറു നകാമുറയുമായാണ് ആനന്ദ് സമനില പിടിച്ചത്. നേരത്തെ ഫാബിയോ കരുവാനക്കെതിരേ വിജയം സ്വന്തമാക്കാന്‍ ആനന്ദിന് സാധിച്ചിരുന്നു. സമനിലയോടെ ആനന്ദിന് മൂന്ന് പോയിന്റായി.
ടൂര്‍ണമെന്റിലെ മൂന്നാം വിജയം സ്വന്തമാക്കി അര്‍മേനിയയുടെ ലെവോന്‍ ആരോണിയന്‍ ഒന്നാം സ്ഥാനത്ത് കുതിക്കുന്നു. റഷ്യയുടെ സെര്‍ജി കര്യാകിനെയാണ് ആരോണിയന്‍ വീഴ്ത്തിയത്. അതേസമയം ലോക ചാംപ്യന്‍ മാഗ്നസ് കാള്‍സനെ റഷ്യയുടെ വഌദിമിര്‍ ക്രാംനിക് അട്ടിമറിച്ചു.