റിയാദ്: സഊദിയില്‍ വധശിക്ഷയ്ക്ക് വിധിക്കപ്പെട്ട ആറ് കൊലക്കേസ് പ്രതികള്‍ക്ക് മാപ്പ്. മുന്‍ രാജാവായിരുന്ന കിങ് അബ്ദുല്ലയുടെ മക്കള്‍ നടത്തിയ മധ്യസ്ഥ ശ്രമങ്ങളെ തുടര്‍ന്നാണ് മാപ്പ് ലഭിച്ചത്.
തുര്‍ക്കി ബിന്‍ അബ്ദുല്ല രാജകുമാരന്‍, മാജിദ് ബിന്‍ അബ്ദുല്ല രാജകുമാരന്‍, ബന്ദര്‍ ബിന്‍ അബ്ദുല്ല രാജകുമാരന്‍, ഗോത്ര നേതാക്കള്‍, പണ്ഡിതര്‍, പൗരപ്രമുഖര്‍, മാധ്യമപ്രവര്‍ത്തകര്‍ എന്നിവര്‍ക്കു മുന്നില്‍ വച്ച് പ്രതികള്‍ക്ക് മാപ്പുനല്‍കുന്നതായി കൊല്ലപ്പെട്ടവരുടെ ബന്ധുക്കള്‍ പ്രഖ്യാപിക്കുകയായിരുന്നു.