തൃശൂര്‍: വാര്‍ത്തകളെ അടിസ്ഥാനമാക്കിയുള്ള രാജ്യാന്തര സ്‌കൂള്‍ ക്വിസ് പരിപാടിയായ ന്യൂസ് വിസില്‍ തൃശൂര്‍ ടീമിന് വിജയം.
പൂച്ചട്ടിയിലെ ഭാരതീയ വിദ്യാ ഭവന്‍സ് സ്‌കൂളില്‍ നിന്നുള്ള ശ്രീറാം മാധവന്‍, പോള്‍ ബിനു എന്നിവരാണ് ഗ്രാന്‍ഡ് ഫിനാലെയില്‍ വിജയകിരീടം ചൂടിയത്. ഇരുവര്‍ക്കും ഇംഗ്ലണ്ടിലെ ഓക്‌സ്‌ഫോര്‍ഡ് സന്ദര്‍ശിക്കാന്‍ അവസരം ലഭിക്കും.
അശ്വിനി ആശുപത്രിയിലെ ഗാസ്‌ട്രോ സര്‍ജന്‍ വി.പി മാധവന്‍, മെഡിക്കല്‍ കോളജിലെ അസി. പ്രൊഫസര്‍ കെ.ആര്‍ കവിത ദമ്പതികളുടെ മകനാണ് ശ്രീറാം.
യു.എസിലെ ഡിസ്‌നി ക്രൂയിസ് ലൈനില്‍ ഉദ്യോഗസ്ഥനായ ബിനു വര്‍ഗീസിന്റെയും ചെമ്പൂക്കാവിലെ കേരള വാട്ടര്‍ അതോറിറ്റിയിലെ ക്ലാര്‍ക്കായ ലിറ്റ്കയുടെയും മകനാണ് പോള്‍.
സിദ്ധാര്‍ത്ഥ ബസുവും പ്രശസ്ത മാധ്യമ പ്രവര്‍ത്തകന്‍ രാജ്ദീപ് സര്‍ദേശായിയും ക്വിസിന് നേതൃത്വം നല്‍കി.