കൊല്ലം: കരുനാഗപ്പള്ളിയില്‍ കഞ്ചാവ് മാഫിയയുടെ ഭീഷണിയില്‍ മനംനൊന്ത് യുവാവ് ആത്മഹത്യ ചെയ്തു. തഴവാ മണപ്പള്ളി ശരത് ഭവനത്തില്‍ ശശിധരന്റെ മകന്‍ അജിത്താണ് ആത്മഹത്യ ചെയ്തത്.
ഏതാനും ദിവസങ്ങള്‍ക്ക് മുന്‍പ് അജിത്തിനെ രണ്ട് സുഹൃത്തുക്കള്‍ക്കൊപ്പം എക്‌സൈസ് സംഘം പിടികൂടിയിരുന്നു. സുഹൃത്തുക്കളുടെ പക്കല്‍ നിന്നും ചെറിയ കഞ്ചാവ് പൊതി എക്‌സൈസ് കണ്ടെടുത്തു.

ചോദ്യം ചെയ്യലില്‍ കഞ്ചാവ് ലഭിച്ചത് എവിടെ നിന്നാണ് എന്ന് മൊഴി നല്‍കി. ഇതിനെ തുടര്‍ന്നാണ് കഞ്ചാവ് മാഫിയ അജിത്തിനെ ഭീഷണിപ്പെടുത്തിയത്. ആത്മഹത്യ ചെയ്യുന്നതിന്റെ തലേ ദിവസം രാത്രിയില്‍ ഒരു സുഹൃത്തിനോട് തനിക്ക് ഭീഷണിയുണ്ടെന്ന് പറയുന്ന ഫോണ്‍ സംഭാഷണം ബന്ധുക്കള്‍ പൊലിസിന് കൈമാറിയിട്ടുണ്ട്.