കാട്ടിക്കുളം: കുരുമുളക് കൊഴിച്ചിലും വള്ളികള്‍ നശിക്കുന്നതും കര്‍ഷകര്‍ക്ക് തിരിച്ചടിയാകുന്നു.
അരണപ്പാറ വാകേരി ആക്കൊല്ലി രാജന്റെ ഒരേക്കര്‍ തോട്ടത്തിലെ കുരുമുളക് വള്ളികളാണ് നശിക്കുന്നത്. ഇലകള്‍ പഴുത്ത് വള്ളികള്‍ കരിഞ്ഞുണുങ്ങുന്ന അവസ്ഥയിലാണ് തോട്ടം. വിളവിന് പാകമായ കുരുമുളക് തിരികളാണ് കൊഴിഞ്ഞു വീഴുന്നത്. ബാങ്കുകളിലെ വായ്പകള്‍ പോലും തിരിച്ചടക്കാന്‍ മാര്‍ഗമില്ലാതെ കുഴയുകയാണ് കര്‍ഷകര്‍.
പുനരുദ്ധാരണ പദ്ധതികളും കൃഷി വകുപ്പിന്റെ ഭാഗത്തുനിന്ന് ഉണ്ടാകുന്നില്ലെന്നും കര്‍ഷകര്‍ ആരോപിക്കുന്നു. ധനസഹായത്തിന് അപേക്ഷിച്ചിട്ട് പ്രയോജനമില്ലെന്നും ഇവര്‍ പറയുന്നു.