തിരൂരങ്ങാടി: മോഷ്ടാവിന്റെ പക്കല്‍നിന്നും പിടികൂടിയ ബൈക്കിന്റെ ഉടമയെ പൊലിസ് തേടുന്നു. കഴിഞ്ഞ 14ന് കാച്ചടി ദേശീയപാതയില്‍ വാഹനപരിശോധനയ്ക്കിടെയാണ് കെ.എല്‍ 53 സി 9983 പള്‍സര്‍ ബൈക്കുമായി കോഴിക്കോട് സ്വദേശിയായ പതിനേഴുകാരനെ തിരൂരങ്ങാടി പൊലിസ് അറസ്റ്റ് ചെയ്തത്. ഇയാളെ കോഴിക്കോട് വെസ്റ്റ്ഹില്‍ ജുവനൈല്‍ ഹോമിലേക്കയച്ചു. എന്നാല്‍ വാഹനത്തിന്റെ ഉടമയെ ഇതുവരെ കണ്ടെത്താന്‍ പൊലിസിന് സാധിച്ചിട്ടില്ല. ആര്‍.സി.ഉടമയെ അന്വേഷിച്ചെങ്കിലും കോട്ടയ്ക്കല്‍ സ്വദേശിയായ ഇയാള്‍ വാഹനം മറ്റൊരാള്‍ക്ക് വില്‍പന നടത്തിയതായാണ് വ്യക്തമായത്. ബൈക്ക് തിരൂരങ്ങാടി പൊലിസ് സ്റ്റേഷനില്‍ സൂക്ഷിച്ചിട്ടുണ്ട്.