എടപ്പാള്‍: കക്കിടിപ്പുറം അല്‍ ഫലാഹ് എ.എം.എം ഇംഗ്ലീഷ് സ്‌കൂളിലെ കെ ജി, അല്‍ ബിര്‍റ് വിദ്യാര്‍ഥികള്‍ കുറ്റിപ്പുറം റെയില്‍വെ സ്‌റ്റേഷന്‍, പോസ്റ്റ് ഓഫീസ്, പോലീസ് സ്റ്റേഷന്‍ എന്നിവിടങ്ങളിലേക്ക് പഠന യാത്ര നടത്തി. റെയില്‍വെ സ്റ്റേഷനില്‍ എത്തിയ വിദ്യാര്‍ത്ഥികളെ റെയില്‍വെ ജീവനക്കാര്‍ മധുരം നല്‍കിയാണ് സ്വികരിച്ചത്.
പോസ്റ്റ് ഓഫീസില്‍ എത്തിയ കുട്ടികള്‍ക്ക് കത്തുകള്‍ സീലിംഗ് ചെയ്യുന്ന രീതി കത്തുകള്‍ പോസ്റ്റ് ചെയ്യുന്ന രീതി എന്നിവ പരിചയപ്പെടുത്തി കൊടുത്തു. കുറ്റിപ്പുറം പൊലിസ് സ്റ്റേഷനിലും കുട്ടികള്‍ക്ക് എസ്.ഐ ബഷീര്‍ ചിറക്കലിന്റെ നേതൃത്വത്തില്‍ ഊഷ്മളമായ സ്വികരണമാണ് നല്‍കിയത്.
മാനേജര്‍ ഉമ്മര്‍ തലപ്പില്‍, മാനേജ്‌മെന്റ് ട്രസ്റ്റ് അംഗം ബാപ്പിനു ഹാജി, കെ.ജി ഹെഡ് സ്മിത കെ, അല്‍ബിര്‍റ് ഹെഡ് ആമിനക്കുട്ടി വി.പി, അധ്യാപകരായ അഷറഫ് പി.ടി വെള്ളാളൂര്‍, റുക്‌സാന കെ.വി, ഹസീന ടി.വി, നസ്രി വി.കെ, അനീഷ കെ.വി, രമ്യ എം.പി, രമ്യ പി.വി, നസീഹ പി എന്നിവര്‍ നേതൃത്വം നല്‍കി.