കൊട്ടിയൂര്‍: കഴിഞ്ഞ ദിവസം തീപിടുത്തമുണ്ടായ കൊട്ടിയൂര്‍ ക്ഷേത്ര പ്രദേശം മലബാര്‍ ദേവസ്വം ബോര്‍ഡ് ചെയര്‍മാന്‍ സജീവ് മാറോളി സന്ദര്‍ശിച്ചു. കൊട്ടിയൂര്‍ ദേവസ്വം ചെയര്‍മാന്‍ ബാലന്‍ നായര്‍, എക്‌സിക്യൂട്ടീവ് ഓഫിസര്‍ രാജന്‍ എന്നിവരും കൂടെയുണ്ടായിരുന്നു. വരും വര്‍ഷങ്ങളില്‍ ഇത്തരം അത്യാഹിതങ്ങള്‍ ഉണ്ടാകാതിരിക്കാനുള്ള മുന്‍കരുതലുകള്‍ കൈകൊള്ളാന്‍ കൊട്ടിയൂര്‍ ദേവസ്വത്തിനു നിര്‍ദേശം നല്‍കിയതായും ഇതിനു മലബാര്‍ ദേവസ്വം ബോര്‍ഡ് മേല്‍നോട്ടം വഹിക്കുമെന്നും അദ്ദേഹം അറിയിച്ചു. സുരക്ഷാ കാര്യങ്ങളെ കുറിച്ച് ക്ഷേത്രം ഭരണ സമിതി അംഗങ്ങളുമായും ജീവനക്കാരുമായും ചര്‍ച്ച നടത്തി.