കരുനാഗപ്പള്ളി: സംസ്ഥാന വ്യാപകമായി കോര്‍പ്പറേഷന്‍ മുന്‍സിപ്പാലിറ്റി ഓഫിസുകളില്‍ ബില്‍ഡിങ് സെക്ഷനിലെ കെട്ടിടനിര്‍മാണങ്ങളില്‍ വ്യാപകമായ അഴിമതി നടക്കുന്നതായി വിജിലന്‍സ് മേധാവിക്ക് കിട്ടിയ രഹസ്യവിവരത്തെ തുടര്‍ന്ന് നഗരസഭ ഓഫിസില്‍ വിജിലന്‍സ് പരിശോധന നടത്തി.
ബില്‍ഡിങ് സെക്ഷനിലെ ഫയലുകളാണ് പരിശോധിച്ചത്. നഗരസഭാ പരിതിയില്‍ അനകൃത കെട്ടിടനിര്‍മാണ ചട്ടങ്ങള്‍ മറികടന്ന് നിരവധി ബില്‍ഡിങുകള്‍ക്ക് അനുമതി നല്‍കിയതിനെ കുറിച്ച് നിരവധി പരാതികള്‍ നിലവിലുണ്ട്. കെട്ടിട നിര്‍മ്മാണ ചട്ടങ്ങള്‍ ലംഘിച്ചത് വിജിലന്‍സ് കണ്ടെത്തുകയും ചെയ്തു.
എല്‍.ഡി.എഫ് ആണ് നഗരസഭയില്‍ ഭരണം നടത്തുന്നത്. പരിശോധനയില്‍ കണ്ടെത്തിയ ക്രമക്കേടുകളെക്കുറിച്ച് മേല്‍ നടപടികള്‍ക്കായി സര്‍ക്കാരിന് കൈമാറുമെന്ന് വിജിലന്‍സ് ഉദ്യോഗസ്ഥര്‍ പറഞ്ഞു.