മുക്കം: ആസിഡ് ആക്രമണക്കേസില്‍ പിടികിട്ടാപുള്ളിയെ പൊലിസ് അറസ്റ്റ് ചെയ്തു. ഇടുക്കി അടിമാലി സ്വദേശി കാട്ടാഞ്ചേരി രാജനെ(64)യാണ് മുക്കം പൊലിസ് പാലക്കാട് വച്ച് അറസ്റ്റ് ചെയ്തത്. 2016 നവംബര്‍ ഒന്നിനാണ് കേസിനാസ്പദമായ സംഭവം നടന്നത്. നെല്ലിക്കാപറമ്പ് മോലികാവ് ഉണ്ണിയുടെ ഭാര്യ വസന്ത (47)യുടെ മുഖത്ത് രാത്രി ഉറങ്ങുന്നതിനിടെ ജനലഴിക്കുള്ളിലൂടെ ഇയാള്‍ ആസിഡ് ഒഴിക്കുകയായിരുന്നു.സംഭവത്തില്‍ വസന്തയുടെ കണ്ണിന്റെ കാഴ്ചശക്തി നഷ്ട്ടപ്പെട്ടിരുന്നു. ഇതിന് ശേഷം ഒളിവില്‍ പോയ രാജന്‍ കര്‍ണാടകയിലെ കുടക് അടക്കമുള്ള വിവിധ സ്ഥലങ്ങളില്‍ ജോലി ചെയ്ത് വരികയായിന്നു. വ്യാഴാഴ്ച പാലക്കാട് കരിങ്കല്‍ ക്വാറിയില്‍ വച്ചാണ് ഇയാളെ മുക്കം പൊലിസ് അറസ്റ്റ് ചെയ്തത്.