കോഴിക്കോട്: നിലനില്‍പ്പിനു വേണ്ടി പ്രക്ഷോഭം നടത്തുന്ന കര്‍ഷക സമൂഹത്തിന് പിന്തുണ പ്രഖ്യാപിച്ച് വെല്‍ഫെയര്‍ പാര്‍ട്ടി എക്യദാര്‍ഢ്യ സദസ് സംഘടിപ്പിച്ചു.
രാജ്യത്ത് ഉയര്‍ന്നുവരുന്ന കര്‍ഷക പ്രക്ഷോഭത്തെ ചോരയില്‍ മുക്കിക്കൊല്ലാനുള്ള നീക്കം അപകടകരമാണെന്ന് സദസ് അഭിപ്രായപ്പെട്ടു. വെല്‍ഫെയര്‍ പാര്‍ട്ടി സംസ്ഥാന എക്‌സിക്യുട്ടീവ് അംഗം സജീദ് ഖാലിദ് ഉദ്ഘാടനം ചെയ്തു. പി.സി ഭാസ്‌കരന്‍, പി.കെ അബ്ദുറഹിമാന്‍, ടി.കെ മാധവന്‍, എഫ്.എം അബ്ദുല്ല, മാഹിന്‍ നേരോത്ത്, സാദത്ത് സംസാരിച്ചു.