കല്‍പ്പറ്റ: ഓഗസ്റ്റ് 10 മുതല്‍ 30 വരെ മലയാളത്തിന്റെ സുകൃതം എന്ന പ്രമേയവുമായി നടക്കുന്ന സുപ്രഭാതം രണ്ടാം വാര്‍ഷികാഘോഷങ്ങളുടെ ഭാഗമായി ജില്ലയിലെ 14 റെയ്ഞ്ച് കേന്ദ്രങ്ങളിലും നാളെ സുപ്രഭാതം സംഗമങ്ങള്‍ നടക്കും. റെയ്ഞ്ച് പരിധിയിലെ മുഅല്ലിംകള്‍, ഖതീബുമാര്‍, പള്ളി മദ്‌റസാ മാനേജ്‌മെന്റ് ഭാരവാഹികള്‍, സമസ്ത, മഹല്ല് ഫെഡറേഷന്‍, എസ്.വൈ.എസ്, എസ്.കെ.എസ്.എസ്.എഫ് ശാഖാ, മേഖലാ ഭാരവാഹികള്‍, പ്രധാന പ്രവര്‍ത്തകര്‍ തുടങ്ങിയവര്‍ സംബന്ധിക്കും. വിവിധ കന്ദ്രങ്ങളില്‍ സമസ്തയുടെയും പോഷക ഘടകങ്ങളുടെയും നേതാക്കളായ എസ് മുഹമ്മദ് ദാരിമി, എം.എം ഇമ്പിച്ചിക്കോയ മുസ്‌ലിയാര്‍, ടി.സി അലി മുസ്‌ലിയാര്‍, അഷ്‌റഫ് ഫൈസി പനമരം, ഹാരിസ് ബാഖവി, ഇബ്‌റാഹീം ഫൈസി പേരാല്‍, ശംസുദ്ദീന്‍ റഹ്മാനി, ശൗക്കത്തലി മൗലവി, മമ്മുട്ടി നിസാമി, കാഞ്ഞായി ഉസ്മാന്‍, കെ.എ നാസര്‍ മൗലവി, അബ്ദു ലത്തീഫ് വാഫി സംബന്ധിക്കും.