ശ്രീകൃഷ്ണപുരം: കരിമ്പുഴ പഞ്ചായത്ത്, കോട്ടപ്പുറം ഹെല്‍ത്ത് സെന്റര്‍, കുണ്ടൂര്‍കുന്ന് സ്‌കൂള്‍ എന്‍.എസറ.എസ് യൂനിറ്റ് എന്നിവയുടെ ആഭിമുഖ്യത്തില്‍ ഡെങ്കി പനി വ്യാപകമായ ആറ്റാശ്ശേരിയില്‍ എന്‍.എസ്.എസ് വോളന്‍ഡിയര്‍മാര്‍ ഗൃഹസന്ദര്‍ശനം, ലഖു ലേഖ വിതരണം, കൊതുക് ഉറവിട നശീകരണം നടത്തി. ആരോഗ്യ സേനയുടെ പ്രവര്‍ത്തന ഉദ്ഘാടനം പഞ്ചായത്ത് പ്രസിഡന്റ് ഷീബ പാട്ടത്തൊടി നിര്‍വഹിച്ചു.
പി.എ. തങ്ങള്‍ അധ്യക്ഷനായി. ഡോ. അശ്വതി സോമന്‍ ക്ലാസ് എടുത്തു. എം.വി. ശശിധരന്‍, കെ.എന്‍. സുബിന്‍, പി. മുഹമ്മദ് അലി, എ. പ്രിയന്‍, എം. രജനി, പി.ഡി. കുഞ്ഞിമോള്‍, റാനിയാ മുസ്തഫ സംസാരിച്ചു.