ബംഗളൂരു: റെയില്‍വേ പാളത്തിലൂടെ നടന്ന് ടിക് ടോക് വീഡിയോ ചിത്രീകരിക്കുന്നതിനിടെ ട്രെയിന്‍ തട്ടി രണ്ടു കൗമാരക്കാര്‍ മരിച്ചു. ഒപ്പമുണ്ടായിരുന്ന മൂന്നാമന് ഗുരുതര പരുക്കേറ്റു.

ബംഗളൂരു ഹെഗ്‌ഡെ നഗര്‍ സ്വദേശികളായ അബ്‌സാദ് (19), മുഹമ്മദ് മട്ടി (22) എന്നിവരാണ് മരിച്ചത്.
സുഹൃത്തായ സലീബുള്ള (22)യാണ് ഗുരുതര പരുക്കുകളോടെ സ്വകാര്യാശുപത്രിയില്‍ ചികിത്സയിലുള്ളത്.

വെള്ളിയാഴ്ച വൈകുന്നേരത്തോടെ ഹെഗ്‌ഡെ നഗര്‍ റെയില്‍വേ ഗേറ്റിനു സമീപത്താണ് അപകടം നടന്നത്. കോലാര്‍ ചിക്കബെല്ലാപൂര്‍- ബംഗളൂരു എക്‌സ്പ്രസാണ് തട്ടിയത്. പാളത്തിലൂടെ നടന്ന് ടിക് ടോക് ചിത്രീകരിക്കാന്‍ ശ്രമിക്കുകയായിരുന്നു മൂവരും. ട്രെയിന്‍ എത്തിയപ്പോള്‍ മാറാന്‍ ശ്രമിച്ചെങ്കിലും മൂവരെയും ട്രെയിന്‍ തട്ടിയതായി പൊലിസ് പറഞ്ഞു.