തിരുവനന്തപുരം: വിവിധ വകുപ്പുകളിലേക്കുള്ള എല്‍ഡി ക്ലര്‍ക്ക് പരീക്ഷകള്‍ക്ക് ഇന്നു തുടക്കം. തിരുവനന്തപുരം, മലപ്പുറം ജില്ലകളിലാണ് ഇന്നു പരീക്ഷ നടക്കുന്നത്.

3.98 ലക്ഷം അപേക്ഷകളാണ് രണ്ടു ജില്ലകളിലായി ലഭിച്ചിരിക്കുന്നത്. 1635 കേന്ദ്രങ്ങളില്‍ പരീക്ഷ നടക്കും.

തിരുവനന്തപുരം ജില്ലയില്‍ അപേക്ഷ നല്‍കിയവര്‍ക്ക് തിരുവനന്തപുരം, കൊല്ലം, പത്തനംതിട്ട, കോട്ടയം എന്നിവിടങ്ങളിലും മലപ്പുറത്ത് അപേക്ഷ നല്‍കിയവര്‍ക്ക് മലപ്പുറം, കോഴിക്കോട്, തൃശ്ശൂര്‍ ജില്ലകളിലുമാണ് സെന്ററുകള്‍

പരീക്ഷ എഴുതേണ്ടവര്‍ ഉച്ചയ്ക്ക് ഒന്നരക്കുമുമ്പ് പരീക്ഷഹാളില്‍ പ്രവേശിക്കണം. നിശ്ചിത സമയം കഴിഞ്ഞു വരുന്നവരെ പരീക്ഷ എഴുതാന്‍ അനുവദിക്കില്ല. തിരിച്ചറിയല്‍ കാര്‍ഡിന്റെ ഒറിജിനല്‍ കരുതണം.