ബ്രസല്‍സ്: സ്‌പെയിനിനെ അടിച്ച് പരത്തി ഇന്ത്യന്‍ ഹോക്കി ടീം. ബെല്‍ജിയത്തില്‍ സന്ദര്‍ശനം നടത്തുന്ന ഇന്ത്യന്‍ ടീം സ്‌പെയിനിനെ 6-1 എന്ന സ്‌കോറിനാണ് പരാജയപ്പെടുത്തിയത്. മത്സരത്തിലുടനീളം ആക്രമിച്ചു കളിച്ച ഇന്ത്യക്കുവേ@ണ്ടി ഹര്‍മന്‍പ്രീത് സിങ് (28, 32) ഇരട്ടഗോള്‍ നേടി. മന്‍പ്രീത് സിങ് (24), നീലകണ്ഠ ശര്‍മ (39), മന്‍ദീപ് സിങ് (56), രൂപീന്ദര്‍ സിങ് (50) എന്നിവരും ഇന്ത്യക്കായി ഗോള്‍ കണ്ടെത്തി. മലയാളി താരവും ഇന്ത്യന്‍ കീപ്പറുമായി ശ്രീജേഷിന്റെ സേവുകളാണ് ഇന്ത്യക്ക് തുണയായത്. ആദ്യ ക്വാര്‍ട്ടറില്‍ ഇരു ടീമുകള്‍ക്കും ഗോള്‍ നേടാനായില്ല.
ര@ണ്ടാം ക്വാര്‍ട്ടറില്‍ ഹര്‍മന്‍പ്രീത് തുടരെ രണ്ടണ്ടുഗോള്‍ നേടിയതോടെ ഇന്ത്യ മത്സരത്തില്‍ മേല്‍ക്കൈ നേടി. രണ്ട@ാം ക്വാര്‍ട്ടറിന്റെ അവസാനം സ്‌പെയ്ന്‍ ഒരു ഗോള്‍ തിരിച്ചടിച്ചതോടെ മത്സരം കനത്തു.
ഇടവേളയ്ക്കുശേഷം മൂന്നും നാലും ക്വാര്‍ട്ടറില്‍ ഇന്ത്യ പ്രകടനമികവ് ആവര്‍ത്തിച്ചതോടെ സ്‌പെയിന്‍ പരാജയം ഉറപ്പിക്കുകയായിരുന്നു.