കണിയാമ്പറ്റ: പി.എന്‍ പണിക്കരുടെ സ്മരണാര്‍ഥം സര്‍ക്കാര്‍ ആഭിമുഖ്യത്തില്‍ സംഘടിപ്പിക്കുന്ന വായനാദിന-വാരാചരണത്തിന്റെ ഭാഗമായി ജില്ലയില്‍ വിപുലമായ പരിപാടികള്‍ സംഘടിപ്പിക്കാന്‍ കലക്ടറേറ്റില്‍ ചേര്‍ന്ന സംഘാടക സമിതി യോഗം തീരുമാനിച്ചു.
വായനാദിന-വാരാചരണത്തിന്റെ ജില്ലാതല ഉദ്ഘാടനം കണിയാമ്പറ്റ ഗവണ്‍മെന്റ് ഹയര്‍സെക്കന്‍ഡറി സ്‌കൂളില്‍ നാളെ രാവിലെ 11.30ന് സി.കെ ശശീന്ദ്രന്‍ എം.എല്‍.എ നിര്‍വഹിക്കും. ജില്ലാ പഞ്ചായത്ത് പ്രസിഡന്റ് ടി. ഉഷാകുമാരി അധ്യക്ഷയാവുന്ന ചടങ്ങില്‍ എഴുത്തുകാരി സി.എസ് ചന്ദ്രിക വായനാദിന സന്ദേശം നല്‍കും. എ.ഡി.എം കെ.എം രാജു ആമുഖ പ്രഭാഷണം നടത്തും. ജില്ലാ പഞ്ചായത്തംഗം പി. ഇസ്മായില്‍ പി.എന്‍ പണിക്കര്‍ അനുസ്മരണ പ്രഭാഷണം നടത്തും. ജില്ലാ ലൈബ്രറി കൗണ്‍സില്‍ സെക്രട്ടറി എം. ബാലഗോപാല്‍ സ്വാഗതം പറയും.
എ.ഡി.സി ജനറല്‍ പി.സി മജീദ്, കണിയാമ്പറ്റ ഗവണ്‍മെന്റ് ഹൈസ്‌കൂള്‍ അധ്യാപകന്‍ ഷാജി പുല്‍പ്പള്ളി, എസ്.എസ്.എ ജില്ലാ കോ-ഓര്‍ഡിനേറ്റര്‍ ബാബുരാജ് എന്നിവര്‍ പുസ്തക പരിചയം നടത്തും. കണിയാമ്പറ്റ പഞ്ചായത്ത് പ്രസിഡന്റ് ഹംസ കടവന്‍, പനമരം ബ്ലോക് പഞ്ചായത്ത് വൈസ് പ്രസിഡന്റ് കെ. കുഞ്ഞായിഷ, പഞ്ചായത്തംഗം അബ്ബാസ് പുന്നോളി, വിദ്യാഭ്യാസ ഉപഡയരക്ടര്‍ ഇന്‍ചാര്‍ജ് പി.വി വസന്ത, കുടുംബശ്രീ ജില്ലാ മിഷന്‍ കോ-ഓര്‍ഡിനേറ്റര്‍ പി. സാജിത, കണിയാമ്പറ്റ ഹയര്‍ സെക്കന്‍ഡറി സ്‌കൂള്‍ പ്രിന്‍സിപ്പല്‍ കെ.ആര്‍ മോഹനന്‍, പ്രധാനാധ്യാപിക എന്‍.കെ ഉഷാദേവി, പി.ടി.എ പ്രസിഡന്റ് അബ്ദുള്‍ ഗഫൂര്‍ കുട്ടി സംസാരിക്കും. ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ്, പൊതുവിദ്യാഭ്യാസ വകുപ്പ്, ജില്ലാ ലൈബ്രറി കൗണ്‍സില്‍, പഞ്ചായത്ത് വകുപ്പ്, പി.എന്‍ പണിക്കര്‍ ഫൗണ്ടേഷന്‍, സാക്ഷരതാ മിഷന്‍, കുടുംബശ്രീ മിഷന്‍ ജില്ലാ ഭരണകൂടം എന്നിവ സംയുക്തമായാണ് പരിപാടികള്‍ സംഘടിപ്പിക്കുന്നത്. ജില്ലാ ഇന്‍ഫര്‍മേഷന്‍ ഓഫിസിന്റെ നേതൃത്വത്തില്‍ കവിതാലാപനം, പ്രസംഗം, കവിതാരചന തുടങ്ങിയുള്ള മത്സരങ്ങള്‍ സംഘടിപ്പിക്കും. പുസ്തകമേളയും വാരാചരണത്തിന്റെ ഭാഗമായി നടത്തും.