മുക്കം: ചാത്തമംഗലം എം.ഇ.എസ് കോളജ് ഓഫ് ആര്‍ട്‌സ് ആന്റ് സയന്‍സില്‍ കേരളപ്പിറവി ദിനം ആഘോഷിച്ചു. സമന്വയം മലയാളം കൂട്ടായ്മയുടെ ആഭിമുഖ്യത്തിലാണ് ആഘോഷം നടന്നത്. സംവിധായകന്‍ സിദ്ദീഖ് ചേന്ദമംഗല്ലൂര്‍ ചടങ്ങ് ഉദ്ഘാടനം ചെയ്തു.
പ്രിന്‍സിപ്പള്‍ പ്രൊഫ. എ അബ്ദുല്‍ അസീസ് അധ്യക്ഷത വഹിച്ചു. എം.ഇ.എസ് കോഴിക്കോട് ജില്ലാ സെക്ട്രറി  പി.കെ അബ്ദുലത്തീഫ് പ്രഭാഷണം നടത്തി. പ്രിന്‍സിപ്പാള്‍ ഭാഷാ പ്രതിജ്ഞ ചൊല്ലിക്കൊടുത്തു. വൈസ് പ്രിന്‍സിപ്പാള്‍ പ്രൊഫ. ഇ അബ്ദു റസാഖ്, എം.ഇ.എസ് ജില്ലാ ജോയിന്റ് സെക്ട്രറി എ.ടി.എം അഷ്‌റഫ്, സ്റ്റാഫ് സെക്രട്ടറി ജിനോ കുര്യന്‍ എന്നിവര്‍ സംസാരിച്ചു.
സമന്വയ മലയാളം കൂട്ടായ്മ കോഡിനേറ്റര്‍ റീന ഗണേഷ് സ്വാഗതവും സെക്രട്ടറി ദീപക് നന്ദിയും പറഞ്ഞു.
സിനിമാ പ്രദര്‍ശനവും സിനിമ ചര്‍ച്ചയും നടന്നു. ഇംഗ്ലീഷ് വിഭാഗം മേധാവി പ്രൊഫ. ഹനീഫ മുഹമ്മദ്, അസീമ, ആദില, അനാനി സ്വലാഹ്, നിയ റഹ്മാന്‍ എന്നീ വിദ്യാര്‍ത്ഥികളും സംബന്ധിച്ചു.