കാളികാവ്: വാഫി അലുംനി അസോസിയേഷനും കളിക്കാവ് വാഫി കാംപസ് ജീറാന്‍ കമ്മിറ്റിയും സംയുക്തമായി സംഘടിപ്പിക്കുന്ന വാഫി വഫിയ്യ റമദാന്‍ പ്രാഭാഷണത്തിലെ മജ്‌ലിസുന്നൂര്‍ ആത്മീയ സംഗമം ഇന്ന്.
സംഗമത്തിന്റെ ഉദ്ഘാടന കര്‍മം സയ്യിദ് മുഹമ്മദ് കോയ തങ്ങള്‍ ജമലുല്ലൈലി നിര്‍വഹിക്കും. സി.ഐ.സി കോഡിനേറ്റര്‍ അബ്ദുല്‍ ഹക്കീം ഫൈസി ആദൃശ്ശേരി ഉദ്‌ബോധന ഭാഷണം നിര്‍വഹിക്കും. അസീസ് മുസ്‌ലിയാര്‍ മൂത്തേടം പ്രാര്‍ഥനക്ക് നേതൃത്വം നല്‍കും. വാക്കോട് ഉസ്താദ്, സുലൈമാന്‍ ഫൈസി മാളിയേക്കല്‍, സൈതാലി മുസ്‌ലിയാര്‍ മാമ്പുഴ, ഇബ്രാഹീം ഫൈസി റിപ്പണ്‍, എം.കെ. ഫൈസി കൊടശ്ശേരി, കുട്ടി ഫൈസി മഞ്ഞപ്പെട്ടി, ബഹാഉദ്ധീന്‍ ഫൈസി മാളിയേക്കല്‍, വി.കെ. ഉമര്‍ കുഞ്ഞു, ഡോ. ലുഖ്മാനുല്‍ ഹക്കീം വാഫി അല്‍അസ്ഹരി, ഡോ. അബ്ദുല്‍ ബറ് വാഫി അല്‍അസ്ഹരി, നൗഫല്‍ റഊഫ് വാഫി, ശമീര്‍ വാഫി, ഫൈസല്‍ വാഫി തുടങ്ങിയവര്‍ സംബന്ധിക്കും. പ്രഭാഷണ പരമ്പരയുടെ സമാപന ദിവസങ്ങളായ തിങ്കള്‍, ചൊവ്വ ദിവസങ്ങളില്‍ ഫാത്തിമ വഫിയ്യ കണ്ണൂര്‍, ശഹര്‍ബാന്‍ വഫിയ്യ പാണ്ടിക്കാട് തുടങ്ങിയവര്‍ സംസാരിക്കും