എടവണ്ണപ്പാറ: മുസ്‌ലിം വിശ്വാസികളെ സല്‍കരിച്ചു സുനില്‍കുമാറിന്റെ ഇഫ്താര്‍ വിരുന്ന്. മത വിശ്വാസികള്‍ക്കിടയില്‍ സൗഹൃദം ഊട്ടിയുറപ്പിക്കാന്‍ എളമരം കരിയാത്തന്‍കുഴി സുനില്‍കുമാര്‍ റമദാനില്‍ വിരുന്നൊരുക്കുന്നത് ആറാം തവണ.
എളമരം നുസ്രത്തുസ്സിബിയാന്‍ മദ്‌റസയിലായിരുന്നു ഇഫ്താറില്‍ വിവിധ മത വിഭാഗത്തില്‍പ്പെട്ട അഞ്ഞൂറില്‍പ്പരം ആളുകളും എത്തിച്ചേര്‍ന്നു.
ഇ.ടി. മുഹമ്മദ്ബഷീര്‍ എം.പി, ജില്ലാ പഞ്ചായത്തംഗം പി.ആര്‍.രോഹില്‍നാഥ്, മഹല്ല് കമ്മിറ്റി പ്രസിഡന്റ് പി.എ. ജബ്ബാര്‍ഹാജി, വാഴക്കാട് പഞ്ചായത്ത് വൈസ് പ്രസിഡന്റ് ജൈസല്‍എളമരം, മഹല്ല് ഖത്തീബ് മുജീബ്‌റഹ്്മാന്‍ദാരിമി, സലാം, ഷിബു അനന്തായൂര്‍, കെ. സുരേഷ്‌കുമാര്‍, കെ.ടി. അശ്‌റഫ്, കളത്തില്‍ അബ്ദുറഹിമാന്‍ സംബന്ധിച്ചു.