മലപ്പുറം: ജി.സി.സി മലപ്പുറം മുനിസിപ്പല്‍ കമ്മിറ്റി ആഹ്വാന പ്രകാരം വിവിധ മുനിസിപ്പല്‍ കമ്മിറ്റികള്‍ സ്വരൂപിച്ച റിലീഫ് ഫണ്ട് മലപ്പുറം സി.എച്ച് സെന്ററിന് നല്‍കി. ജി.സി.സി മലപ്പുറം മുനിസിപ്പല്‍ കെ.എം.സി.സി ജനറല്‍ സെക്രട്ടറി മുനീര്‍ പട്ടര്‍കടവില്‍ നിന്ന് ഫണ്ട് സ്വീകരിച്ച് പാണക്കാട് സയ്യിദ് മുനവ്വറലി ശിഹാബ് തങ്ങള്‍ ഉദ്ഘാടനം നിര്‍വഹിച്ചു.
ജി.സി.സി രാഷ്ട്രങ്ങളിലെ വിവിധ മുനിസിപ്പല്‍ കെ.എം.സി.സി കമ്മിറ്റികള്‍ക്ക് വേണ്ടി ഫൈസല്‍ ബാബു പാണക്കാട് (യു.എ.ഇ നോര്‍ത് എമിറേറ്റ്‌സ്), മുസ്തഫ പുള്ളിയില്‍ (മക്ക), യാസീന്‍ കോട്ടപ്പടി (ഖത്തര്‍), ഡോ. ആശിര്‍ അറബി (ഒമാന്‍), ഷാജു മന്‍സൂര്‍ (റിയാദ്) എന്നിവര്‍ തങ്ങള്‍ക്ക് ഫണ്ട് കൈമാറി. ദുബൈ സി.എച്ച് സെന്റര്‍ ചാപ്റ്ററിന് വേണ്ടി നജ്ബുദ്ധീന്‍ തറയിലും അബൂദബി, അബഹ ഖമീഷ് മുസൈത് കമ്മിറ്റികളുടേത് ജി.സി.സി-കെ.എം.സി.സി ജന. സെക്രട്ടറിയും തങ്ങളെ ഏല്‍പ്പിച്ചു.
ചടങ്ങില്‍ കൊന്നോല യൂസുഫ് അധ്യക്ഷനായി. സി.എച്ച് സെന്റര്‍ ഭാരവാഹികളായ അബു തറയില്‍, റഹീസ് കളപ്പാടന്‍, ഉസ്മാന്‍ കൊടക്കാടന്‍, കെ.കെ ഹകീം, കെ.എം.സി.സി ഭാരവാഹികളായ സമദ് സീമാടന്‍, ഇല്യാസ് പാതാരി, ഇര്‍ഷാദ് നാണത്ത്, മുസമ്മില്‍ കാളമ്പാടി, സി.പി സുബൈര്‍, നാസര്‍ പി.കെ, പി.കെ അബ്ദുള്ള, സിദ്ധീഖ് കാടേരി, വി. കബീര്‍, ശിഹാബ് മച്ചിങ്ങല്‍, മുജീബ് വാറങ്കോട്, അന്‍വര്‍ എന്നിവര്‍ സംബന്ധിച്ചു.