കൊയിലാണ്ടി: അനധികൃതമായി സൂക്ഷിച്ച 1500 പാക്കറ്റ് ഹാന്‍സ് പിടികൂടി.
കൊയിലാണ്ടി പൊലിസ് നടത്തിയ ഈവനിങ് പട്രോളിങ്ങിനിടെയാണ് കൊയിലാണ്ടി പഴയ ബസ് സ്റ്റാന്‍ഡിന് പിറകിലെ കെട്ടിടത്തിന്റെ കോണിപ്പടിയില്‍ സൂക്ഷിച്ച നിലയില്‍ ഹാന്‍സ് കണ്ടെത്തിയത്.
നിരേധിത പുകയില ഉല്‍പന്നമായ ഹാന്‍സിന് വിപണിയില്‍ 50,000 രൂപ വിലവരുമെന്ന് കൊയിലാണ്ടി പൊലിസ് അറിയിച്ചു.
കൊയിലാണ്ടി എസ്.ഐ അശോകന്‍ ചാലില്‍, പൊലിസുകാരായ കെ.കെ റെജികുമാര്‍, എം. രജ്ഞിത്, ഒ.കെ സുരേഷ് പരിശോധനക്ക് നേതൃത്വം നല്‍കി.