കോഴിക്കോട്: തൃശ്ശൂരില്‍ എക്‌സൈസ് സംഘം കഞ്ചാവുമായി പടികൂടിയ യുവാവ് മരിച്ച നിലയില്‍. മലപ്പുറം സ്വദേശി രഞ്ജിത്ത് ആണ് മരിച്ചത്. ഗുരുവായൂര്‍ ബസ് സ്റ്റാന്‍ഡില്‍ വച്ചാണ് ഇയാളെ രണ്ട് കിലോഗ്രാം കഞ്ചാവുമായി എക്‌സൈസ് ഉദ്യോഗസ്ഥര്‍ പിടികൂടിയത്.

രഞ്ജിത്തിന് അപസ്മാരം ഉണ്ടായതിനെ തുടര്‍ന്ന് ആശുപത്രിയില്‍ എത്തിക്കുകയായിരുന്നുവെന്നാണ് ഉദ്യോഗസ്ഥര്‍ പറയുന്നത്. എന്നാല്‍ ഇയാളെ ആശുപത്രിയില്‍ എത്തിക്കുമ്പോഴേക്കും മരിച്ചിരുന്നതായി ആശുപത്രി അധികൃതര്‍ അറിയിച്ചു. മരണത്തില്‍ ഏതെങ്കിലു തരത്തിലുള്ള അസ്വാഭാവികതകളുണ്ടോ എന്ന കാര്യം സ്ഥിരീകരിച്ചിട്ടില്ല.