തൃശൂര്‍: 2016 ലെ സംസ്ഥാന ഫോട്ടോഗ്രാഫി അവാര്‍ഡിന് ഇന്‍ഫര്‍മേഷന്‍ ആന്‍ഡ് പബ്ലിക് റിലേഷന്‍സ് വകുപ്പ് എന്‍ട്രികള്‍ ക്ഷണിച്ചു.
മണ്ണും മനുഷ്യനും എന്നതാണ് വിഷയം. ഒന്ന്, രണ്ട്, മൂന്ന് സ്ഥാനത്തേക്ക് തിരഞ്ഞെടുക്കപ്പെടുന്നവര്‍ക്ക് യഥാക്രമം 50,000, 30,000, 25,000 രൂപ നിരക്കില്‍ ക്യാഷ് അവാര്‍ഡിനു പുറമേ ശില്‍പവും സാക്ഷ്യപത്രവും ലഭിക്കും.
 കൂടാതെ പത്ത് പേര്‍ക്ക് പ്രോത്സാഹന സമ്മാനമായി 2,500 രൂപയും, സര്‍ട്ടിഫിക്കറ്റും നല്‍കും. ഫോട്ടോഗ്രാഫി പ്രൊഫഷനായി സ്വീകരിച്ചവര്‍ക്കും അമച്വര്‍ ഫോട്ടോഗ്രാഫര്‍മാര്‍ക്കും മത്സരത്തില്‍ പങ്കെടുക്കാം.  എന്‍ട്രിയായി അയക്കുന്ന ഫോട്ടോകളുടെ വലിപ്പം 18:12  ആകണം.
 കളര്‍ ഫോട്ടോകള്‍ (ലേസര്‍ പ്രിന്റുകള്‍ ഒഴികെ) മാത്രമേ സ്വീകരിക്കുകയുള്ളൂ.  മത്സരത്തിന് ഒരാള്‍ക്ക് മൂന്ന് എന്‍ട്രികള്‍ വരെ അയക്കാം.  അപേക്ഷ അയക്കുന്ന കവറിന് മുകളില്‍ 'സംസ്ഥാന ഫോട്ടോഗ്രാഫി അവര്‍ഡ് 2016 എന്ന് എഴുതിയിരിക്കണം.
ഡയറക്ടര്‍, ഇന്‍ഫര്‍മേഷന്‍ ആന്റ് പബ്ലിക് റിലേഷന്‍സ് വകുപ്പ്, സൗത്ത് ബ്ലോക്ക്, സെക്രട്ടറിയേറ്റ്, തിരുവനന്തപുരം695 001 എന്ന വിലാസത്തില്‍ ആഗസ്റ്റ് 10 ന് വൈകുന്നേരം അഞ്ച് മണിക്ക് മുമ്പ് എന്‍ട്രികള്‍ ലഭിക്കണം.  അപേക്ഷാ ഫോറവും നിബന്ധനകളും ംംം.ുൃറ.സലൃമഹമ.ഴീ്.ശി എന്ന വെബ്‌സൈറ്റില്‍ ലഭിക്കും.