നാദാപുരം: അവധി ദിനത്തില്‍ വിദ്യാര്‍ഥികള്‍ക്ക് നിര്‍മാണ പ്രവര്‍ത്തനത്തില്‍ പരിശീലനം നടത്തി. നാദാപുരം ഗവ. യു.പി സ്‌കൂളില്‍ ദീപാവലി ദിവസത്തില്‍ പി.ടി.എയും അധ്യാപകരും ചേര്‍ന്നാണ് വേറിട്ട പരിപാടി നടത്തിയത്.
സര്‍ഗ വസന്തം പരിപാടിയില്‍ വിവിധ ക്ലാസുകളില്‍ നിന്ന് തെരഞ്ഞെടുക്കപ്പെട്ട നൂറിലധികം വിദ്യാര്‍ഥികള്‍ക്ക് ഒറിഗാമി, പേപ്പര്‍ ക്രാഫ്റ്റ്, ചിത്രരചന എന്നിവയിലാണ് പരിശീലനം നല്‍കിയത്. പ്രശസ്ത ചിത്രകാരന്‍ സത്യന്‍ നീലിമ ഉദ്ഘാടനം ചെയ്തു. പി.ടി.എ പ്രസിഡന്റ് അഡ്വ. സി. ഫൈസല്‍ അധ്യക്ഷനായി. പ്രധാനാധ്യാപകന്‍ പി.സി മൊയ്തു, നാദാപുരം പ്രസ് ക്ലബ് പ്രസിഡന്റ് എം.കെ അഷ്‌റഫ്, അനു പാട്യംസ്, പി. അബു ഹാജി സംബന്ധിച്ചു. അധ്യാപകരായ കെ. മോഹനന്‍, കെ.കെ വിജയലക്ഷ്മി, പി.കെ നസീമ, കെ. ഷേര്‍ളി, വിനോദന്‍ നേതൃത്വം നല്‍കി.