കോഴിക്കോട്: വികസനത്തിന്റെ പേരില്‍ പ്രകൃതിയെ നശിപ്പിച്ച് ഭാവി സ്വയം അപകടത്തിലാക്കുകയാണെന്ന് ബിനോയ് വിശ്വം എം.പി. ഒയിസ്‌ക ഇന്റര്‍നാഷനല്‍ സൗത്ത് ഇന്ത്യ ചാപ്റ്റര്‍ സംഘടിപ്പിച്ച അനുമോദന ചടങ്ങില്‍ സംസാരിക്കുകയായിരുന്നു അദ്ദേഹം. പ്രകൃതിയോട് മാന്യതയും മര്യാദയും പുലര്‍ത്താതെ, പശ്ചിമഘട്ടത്തില്‍ പാറപൊട്ടിക്കുന്നതിനു ബാക്കിയുള്ള സ്ഥലം തേടി പരക്കംപായുകയാണെന്നും അദ്ദേഹം കൂട്ടിച്ചേര്‍ത്തു. ഒയിസ്‌ക യൂത്ത് സെന്ററില്‍ നടന്ന ചടങ്ങില്‍ ഒയിസ്‌ക സെക്രട്ടറി ജനറല്‍ എം. അരവിന്ദ് ബാബു അധ്യക്ഷനായി. ഒയിസ്‌ക എക്‌സലന്‍സ് അവാര്‍ഡുകള്‍ ബിനോയ് വിശ്വം സമ്മാനിച്ചു. ഡോ. എന്‍. കൃഷ്ണകുമാര്‍ വിശിഷ്ടാതിഥിയായി. ഡോ. തോമസ് തേവര, പി.കെ നളിനാക്ഷന്‍, ടി.ഒ രാമചന്ദ്രന്‍, വി.പി സുകുമാരന്‍ സംസാരിച്ചു.