തേഞ്ഞിപ്പലം: മത-ഭൗതിക വിദ്യാഭ്യാസ മുന്നേറ്റത്തിന് സമസ്ത വഹിച്ച പങ്ക് നിസ്തുലമാണെന്ന് പി.കെ കുഞ്ഞാലിക്കുട്ടി എം.പി. മദ്‌റസ പൊതുപരീക്ഷ,എസ്.എസ്.എല്‍.സി, പ്ലസ്ടു, എന്നിവയില്‍ ഉന്നത വിജയം കൈവരിച്ച വിദ്യാര്‍ഥികള്‍ക്ക് വെളിമുക്ക് ക്രസന്റ് ബോര്‍ഡിങ് മദ്‌റസയില്‍ ഏര്‍പ്പെടുത്തിയ അവാര്‍ഡ്ദാന ചടങ്ങ് ഉദ്ഘാടനം ചെയ്യുകയായിരുന്നു അദ്ദേഹം. ക്രസന്റ് ബോര്‍ഡിങ് മദ്‌റസ കമ്മിറ്റി കണ്‍വീനര്‍ ഹാജി കെ. മമ്മദ് ഫൈസി അധ്യക്ഷനായി പി. അബ്ദുല്‍ഹമീദ് എം.എല്‍.എ മുഖ്യപ്രഭാഷണം നടത്തി. ഡോ. യു.വി.കെ മുഹമ്മദ്, ഡോ. എന്‍.എ.എം അബ്ദുല്‍ഖാദിര്‍, കെ. മോയിന്‍കുട്ടി മാസ്റ്റര്‍, ബക്കര്‍ ചെര്‍ണൂര്‍, എന്‍.എം അന്‍വര്‍ സാദത്ത്, ഡോ. പി. സക്കീര്‍ ഹുസൈന്‍, പി. രാജ്‌മോഹനന്‍, എന്‍.വി മുസ്തഫ സംസാരിച്ചു. മാനേജര്‍ പി.കെ മുഹമ്മദ് ഹാജി സ്വാഗതവും പി. അന്‍വര്‍ സാദത്ത് നന്ദിയും പറഞ്ഞു.