ആലപ്പുഴ: മെട്രോ റെയില്‍ ഉദ്ഘാടന ചടങ്ങില്‍ പ്രതിപക്ഷ നേതാവും, മുന്‍ മുഖ്യമന്ത്രിയുമടക്കമുള്ള ജനപ്രതിനിധികളെ ഒഴിവാക്കി ബി.ജെ.പി സംസ്ഥാന പ്രസിഡന്റ് കുമ്മനം രാജശേഖരനൊപ്പം പ്രധാനമന്ത്രി നടത്തിയ യാത്ര ജനാധിപത്യ സംവിധാനത്തോടുള്ള വെല്ലുവിളിയാണെന്ന് എ.ഐ.സി.സി ജനറല്‍ സെക്രട്ടറി കെ.സി.വേണുഗോപാല്‍ എം.പി. ഡി.സി.സി നേതൃയോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
ജനപ്രതിനിധികളെ ഒഴിവാക്കി തന്റെ പാര്‍ട്ടി നേതാവിനോടൊപ്പം നടത്തിയ യാത്രയിലൂടെ നരേന്ദ്രമോദിയുടെ ഏകാധിപത്യ പ്രവണതയാണ് വ്യക്തമാകുന്നതെന്നും അദ്ദേഹം പറഞ്ഞു. ചടങ്ങില്‍ ഡി.സി.സി പ്രസിഡന്റ് അഡ്വ.എം.ലിജു അധ്യക്ഷനായി.