ആലപ്പുഴ: നൂറനാട് കുടശ്ശനാട് എന്‍.എസ്.എസ് കരയോഗത്തിന് മുന്നിലും എന്‍.എസ്.എസ് ഹൈസ്‌കൂളിന് മുന്നിലെ കൊടിമരത്തിലും അജ്ഞാതര്‍ കരിങ്കൊടി പതിച്ചു. സമീപത്തായി റീത്തും വെച്ചിട്ടുണ്ട്. റീത്തില്‍ എന്‍.എസ്.എസ് ജനറല്‍ സെക്രട്ടറി ജി സുകുമാരന്‍നായര്‍ക്ക് ആദരാഞ്ജലികള്‍ എന്നും രേഖപ്പെടുത്തിയിട്ടുണ്ട്.

ഇത് സംബന്ധിച്ച് എന്‍.എസ്.എസ് പ്രാദേശിക നേതൃത്വം പൊലിസില്‍ പരാതി നല്‍കി. സംഭവത്തിനെതിരെ കുടശ്ശനാട് എന്‍.എസ്.എസ് നേതൃത്വത്തില്‍ പ്രതിഷേധ യോഗം ചേരും. സാമൂഹിക വിരുദ്ധരാണ് ഇതിന് പിന്നിലെന്നാണ് പൊലിസ് നിലപാട്. സമീപത്തെ സി.സി.ടി.വി ദൃശ്യങ്ങള്‍ ഉള്‍പ്പടെ പരിശോധിക്കുന്നുണ്ട്.

നേരത്തെ കോട്ടയത്തും തിരുവനന്തപുരത്തും സമാനമായ രീതിയില്‍ എന്‍.എസ്.എസ് കരയോഗ ഓഫീസുകള്‍ക്ക് നേരെ ആക്രമണം ഉണ്ടായിരുന്നു.