മട്ടന്നൂര്‍ :പൊതു പരിപാടിക്കും പ്രകടനത്തിനും ശേഷം സ്ഥലമില്ലാതെ മട്ടന്നൂര്‍ നഗരം വലയുന്നു.കണൂര്‍ അന്താരാഷ്ട്ര വിമാനത്താവളം സ്ഥിതി ചെയ്യുന്ന മട്ടന്നൂരാണ് ജനങ്ങളെ ഉള്‍ക്കൊള്ളന്‍ കഴിയാതെവീര്‍പ്പുമുട്ടുന്നത്.
ഒരു പ്രകടനമോ പരിപാടിയോ കഴിഞ്ഞാല്‍ മണിക്കൂറുകളോളമാണ് മട്ടന്നൂരില്‍ ഗതാഗതം സ്തംഭിക്കുന്നത്. രണ്ടു പരിപാടികള്‍ ഒരേ സമയത്തായാല്‍ ബസ് സ്റ്റാന്റും പരിസരവും വഴിനടക്കാന്‍ പോലും പറ്റാത്തതാകും.തലശ്ശേരി -കണ്ണൂര്‍ -ഇരിട്ടി റോഡ് സംഗമിക്കുന്ന ജംഗഷനിലാണ് വാഹനങ്ങളെ നിയന്ത്രിക്കാന്‍ പൊലിസ് വിയര്‍പ്പൊഴുക്കുന്നത്.
എല്ലാ പ്രകടനവും നഗരം ചുറ്റി ബസ്സ്റ്റാന്റില്‍ സമാപിക്കുന്നത് കൊണ്ടു തന്നെ ബസ്റ്റ് സ്റ്റാന്റ് പരിസരവും സ്തംഭിക്കുകയാണ്. സാധാരണയായി പൊതു സമ്മേളനം നടക്കുന്ന സ്റ്റേജ് മുനിസിപ്പല്‍ കോംപ്ലക്‌സ് നിര്‍മ്മാണത്തിനായി പൊളിക്കുകയും പിന്നീട് ടൗണ്‍ സ്‌ക്വയര്‍ നിര്‍മിക്കുകയും ചെയ്തിട്ടുണ്ട്. എന്നാല്‍ ഇതു വേണ്ടത്ര പ്രായോഗികമായിട്ടില്ല ..പിന്നീട് രാഷ്ട്രീയ പാര്‍ട്ടികളും മറ്റ് സംഘടനകളും നടത്തുന്ന പരിപാടികള്‍ ബസ് സ്റ്റാന്റിലെ പാതയോരത്തും പൊലിസ് സ്റ്റേഷനു പിറകിലുമായി.
ചില പാര്‍ട്ടികള്‍ പൊലീസ് സ്റ്റേഷനു പിറകുവശത്തെ പുതിയ ടാക്‌സി സ്റ്റാന്‍ഡ് നിര്‍മാണത്തിനുദ്ദേശിക്കുന്ന സ്ഥലത്ത് പൊതുയോഗം നടത്തിയെങ്കിലും അതതു കക്ഷികളുടെ പ്രതിനിധികള്‍ മാത്രമേ പ്രസംഗം ശ്രവിക്കാന്‍ എത്തിയിരുന്നുള്ളൂ.