ടൂറിന്‍: ചാംപ്യന്‍സ് ലീഗില്‍ ഏറ്റവും കൂടുതല്‍ വിജയങ്ങള്‍ സ്വന്തമാക്കുന്ന താരമെന്ന നേട്ടവുമായി യുവന്റസ് താരം റൊണാള്‍ഡോ. ബയര്‍ ലെവര്‍കൂസനെതിരേ ജയിച്ചതോടെയാണിത്. ഈ മത്സരത്തില്‍ താരവും ഗോള്‍ കണ്ടെത്തി. ചാംപ്യന്‍സ് ലീഗില്‍ ഇതുവരെ 102 വിജയങ്ങളാണ് റൊണാള്‍ഡോയ്ക്കു സ്വന്തമായുള്ളത്. 101 മത്സരങ്ങള്‍ വിജയിച്ച സ്പാനിഷ് താരം ഐക്കര്‍ കസിയസിന്റെ റെക്കോര്‍ഡാണ് തകര്‍ത്തത്. ഇവര്‍ രണ്ടുപേരും മാത്രമാണ് നൂറിലധികം മത്സരങ്ങള്‍ ചാംപ്യന്‍സ് ലീഗില്‍ വിജയിച്ചത്. ഇക്കാര്യത്തില്‍ 80 വിജയങ്ങളുള്ള മെസ്സി നാലാം സ്ഥാനത്താണ്.