മലപ്പുറം: തൊടുപുഴയില്‍ നടന്ന സംസ്ഥാന ബധിര ചെസ് ചാംപ്യന്‍ഷിപ്പില്‍ മലപ്പുറത്തിന്റെ എ. നൗഷാദ് ചാംപ്യനായി. എടപ്പാള്‍ ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബിന്റെ താരമാണ് നൗഷാദ്.
ജൂനിയര്‍ പെണ്‍കുട്ടികളുടെ വിഭാഗത്തില്‍ പുളിക്കല്‍ എബിലിറ്റി ആര്‍ട്‌സ് ആന്‍ഡ് സയന്‍സ് കോളജ് വിദ്യാര്‍ഥിനി സുഹാന ഹുസൈന്‍ ഒന്നാം സ്ഥാനവും സീനിയറില്‍ മലാപറമ്പ് അസീസി ബധിര വിദ്യാലയത്തിലെ പ്ലസ്ടു വിദ്യാര്‍ഥിനി ശ്രീഷ്മ രണ്ടാം സ്ഥാനവും നേടി.
ടീം ഇനത്തില്‍ മലപ്പുറം രണ്ടാം സ്ഥാനം കരസ്ഥമാക്കി.
മലപ്പുറത്തിന്റെ താരങ്ങളായ എ. നൗഷാദ്, കെ.പി ഹുസൈന്‍കോയ, ശ്രീഷ്മ, സുഹാന ഹുസൈന്‍ എന്നിവര്‍ രാജസ്ഥാനിലെ ജയ്പൂരില്‍വച്ച് നടക്കുന്ന ദേശീയ ബധിര ചെസ് ചാംപ്യന്‍ഷിപ്പില്‍ പങ്കെടുക്കും.