ഇരവിപുരം: കളിക്കുന്നതിനിടെ വീട്ടുമുറ്റത്തെ കിണറ്റില്‍വീണ്  ആറുവയസുകാരന്‍  മരിച്ചു. അയത്തില്‍ വലിയ മാടം ന്യൂനഗര്‍ 67 ഫാത്തിമാമന്‍സിലില്‍ അംജിദ് ഖാന്‍  ഷമീനാ ദമ്പതികളുടെ മകന്‍ മുഹമ്മദ് ഷഫാന്‍ (6) ആണ് മരിച്ചത്. വ്യാഴാഴ്ച ഉച്ചക്ക് രണ്ടരയോടെയായിരുന്നു സംഭവം. വീട്ടുമുറ്റത്തു നിന്ന് കളിക്കുകയായിരുന്ന കുട്ടിയെ കാണാതായതിനെ തുടര്‍ന്ന് നടത്തിയ തിരച്ചിലിലാണ്  വീട്ടുമുറ്റത്തെ കിണറ്റില്‍ വീണ നിലയില്‍ കാണപ്പെട്ടത്.ഉടന്‍ തന്നെ പുറത്തെടുത്ത് ട്രാവന്‍കൂര്‍ മെഡിക്കല്‍ കോളജില്‍ എത്തിച്ചെങ്കിലും  രക്ഷിക്കാനായില്ല. മൃതദേഹം ആശുപത്രി  മോര്‍ച്ചറിയില്‍. കിളികൊല്ലൂര്‍ പൊലിസ് കേസെടുത്തു.  കുട്ടിക്ക് മനോവൈകല്യമുണ്ടായിരുന്നതായി ബന്ധുക്കള്‍ പറഞ്ഞു. സഹോദരന്‍: സയ്യിദലി ഖബറടക്കം ഇന്ന്  ഉച്ചക്ക് 12ന് കൊല്ലം ജോനകപ്പുറം പള്ളിയില്‍ നടക്കും.