ലണ്ടന്‍: ഖത്തറിനെക്കുറിച്ച് തങ്ങള്‍ക്കുള്ള ആവലാതികളുടെ പട്ടിക തയാറാക്കി വരികയാണെന്നും അത് ഉടന്‍ പ്രഖ്യാപിക്കുമെന്നും സഊദി അറേബ്യന്‍ വിദേശകാര്യ മന്ത്രി ആദില്‍ അല്‍ ജുബൈര്‍ പറഞ്ഞു. ലണ്ടണ്ടനിലെ സഊദി എംബസിയില്‍ മാധ്യമ പ്രവര്‍ത്തകരുമായി സംസാരിക്കുകയായിരുന്നു അദ്ദേഹം. പ്രശ്‌നത്തില്‍ ഖത്തറില്‍ നിന്ന് അനുകൂലമായ നിലപാടുകളൊന്നും കാണുന്നില്ല. ഇത് ഗള്‍ഫ് രാജ്യങ്ങളുടെ മാത്രം ആവശ്യമായി കാണേണ്ട@തില്ല. എല്ലാ രാഷ്ട്രങ്ങളുടെയും ആവശ്യമാണെന്നും ആദില്‍ ജുബൈര്‍ പറഞ്ഞു.
ഇറാന്‍ ഭരണകൂടമാണ് മേഖലയിലെ രാജ്യങ്ങളിലെ ആഭ്യന്തര വിഷയങ്ങളില്‍ ഇടപെട്ട് വിഭാഗീയതയും തീവ്രവാദവും വളര്‍ത്തുന്നത്. ഖത്തരി ജനതയെ ഉപദ്രവിക്കണമെന്ന ചിന്ത ഞങ്ങള്‍ക്കില്ല. മാധ്യമങ്ങളെ ഉപയോഗിച്ച് മറ്റു രാജ്യങ്ങളുടെ ആഭ്യന്തര കാര്യങ്ങളില്‍ തലയിടുകയുമരുത്- അദ്ദേഹം പറഞ്ഞു.