ലണ്ടന്‍: ഇന്ത്യയുടേയും പാകിസ്താന്റേയും കായിക ലോകത്തിന് ഇന്ന് ഒരപൂര്‍വ ദിവസമാണ്. മൂന്നാമതൊരു രാജ്യത്തെ വേദിയില്‍ ഇന്ത്യയുടെയും പാകിസ്താന്റേയും ക്രിക്കറ്റ്, ഹോക്കി ടീമുകള്‍ നേര്‍ക്കുനേര്‍ വരുന്നതാണ് ഇന്നത്തെ ദിവസത്തിന്റെ സവിശേഷത. ഇത്തരമൊരു അപൂര്‍വത ഒരു പക്ഷേ ഇരു ടീമുകളെ സംബന്ധിച്ചും ആദ്യമായിരിക്കും. ഐ.സി.സി ചാംപ്യന്‍സ് ട്രോഫി ഫൈനലില്‍ ഇന്ത്യന്‍ ക്രിക്കറ്റ് ടീം പാകിസ്താനുമായി ഏറ്റുമുട്ടുമ്പോള്‍ ഓവലില്‍ നിന്ന് 55 മൈല്‍ അകലെ മില്‍ട്ടന്‍ കെയ്‌നസില്‍ ഇന്ത്യന്‍ ഹോക്കി ടീം പാകിസ്താനുമായി ഏറ്റുമുട്ടും. ഹോക്കി വേള്‍ഡ് ലീഗ് സെമി ഫൈനല്‍ പോരാട്ടത്തിലാണ് ഇന്ത്യ- പാക് മത്സരം അരങ്ങേറുന്നത്.