മുംബൈ: മലയാളി യുവതിയ്ക്ക് ജെറ്റ് എയര്‍വേയ്‌സ് വിമാനത്തിനുള്ളില്‍ സുഖപ്രസവം. ദമാമില്‍ നിന്നും കൊച്ചിയിലേക്ക് വരികയായിരുന്ന യുവതിയാണ് വിമാനത്തിനുള്ളില്‍ പ്രസവിച്ചത്.

ഇതിനെ തുടര്‍ന്ന് വിമാനം അടിയന്തിരമായി മുംബൈ വിമാനത്താവളത്തില്‍ ഇറക്കി യുവതിയെയും കുഞ്ഞിനേയും ആശുപത്രിയില്‍ പ്രവേശിപ്പിച്ചു

വിമാനത്തില്‍ സഞ്ചരിക്കുന്നതിനിടെ പ്രസവ വേദന അനുഭവപ്പെട്ട യുവതിക്ക് വിമാനക്കമ്പനി ജീവനക്കാരും, യാത്രക്കാരിയായ നഴ്‌സും ചേര്‍ന്ന് പരിചരണം നല്‍കുകയായിരുന്നു.

പാകിസ്താനിലെ കറാച്ചിക്കു മുകളിലൂടെ സഞ്ചരിക്കുമ്പോഴാണു പ്രസവം നടന്നതെന്നു വിമാനത്തിലെ ജീവനക്കാര്‍ പറഞ്ഞു.

വിമാനത്താവളത്തിലെ ആംബുലന്‍സിലാണ് യുവതിയെയും കുഞ്ഞിനെയും മുംബൈയിലെ ആശുപത്രിയിലേക്കു മാറ്റിയത്.