ഈരാറ്റുപേട്ട: ഡി.വൈ.എഫ്.ഐ നേതത്വത്തില്‍ 15ന് കോട്ടയത്തു നടക്കുന്ന യുവ സാഗരത്തിന്റെ പ്രചരണാര്‍ഥം പൂഞ്ഞാര്‍ ബ്ലോക്ക് കമ്മറ്റി നടത്തുന്ന വിളംബര ജാഥയുടെ ക്യാപ്റ്റന്‍ സ്ഥാനത്തുനിന്ന് സി.പി.എം മുന്‍ ബ്രാഞ്ച് സെക്രട്ടറി കെ.എ നസീറിനെ മര്‍ദിച്ച കേസിലെ പ്രതി ബ്ലോക്ക് ഡി.ഐ.എഫ്.ഐ സെക്രട്ടറി ഇ നവാസിനെ മാറ്റി പകരം ബ്ലോക്ക് പ്രസിഡന്റ് ജോര്‍ജ് പീറ്ററിനെ തെരഞ്ഞെടുത്തു. ഇന്നലെ കൂടിയ പൂഞ്ഞാര്‍ സി.പി.എം ഏരിയ കമ്മിറ്റി യോഗത്തിലാണ് തീരുമാനം ഉണ്ടായത്.
കോട്ടയം ജില്ലാ കമ്മിറ്റിയുടെ നിര്‍ദേശ പ്രകാരമാണ് നടപടി . നവാസ് ഇപ്പോള്‍ പൊലിസ് സ്റ്റോഷനില്‍ നിന്ന് ജാമ്യം എടുത്തിരിക്കുകയാണ്.
12 ദിവസമായി കോട്ടയം മെഡിക്കല്‍ കോളജില്‍ തീവ്രപരിചരണ വിഭാഗത്തില്‍ അതിഗുരുതരമായി കിടക്കുന്ന നസീറിന് അനുകൂലമായി ഏരിയാ കമ്മിറ്റിയില്‍ ഒരു വിഭാഗം രംഗത്ത് വന്നതാണ് നസീറിനെ മാറ്റാന്‍ കാരണമെന്ന് അറിയുന്നു.