കോഴിക്കോട്: സമസ്ത കേരള ജംഇയ്യത്തുല്‍ മുഅല്ലിമീന്‍ 15-ാമത് ജില്ലാ ഇസ്‌ലാമിക് കലാമേള 2019 ജനുവരി 26, 27 തിയതികളില്‍ മുക്കം കാരമൂല ദാറുസ്സ്വലാഹില്‍ നടത്താന്‍ എസ്.കെ.ജെ.എം ജില്ലാ പ്രവര്‍ത്തകസമിതി തീരുമാനിച്ചു.
മദ്‌റസാതല മത്സരം ഈ മാസം 20 മുതല്‍ ഡിസംബര്‍ 10 വരെയും റെയ്ഞ്ചുതല മത്സരം ഡിസംബര്‍ 15 മുതല്‍ 31 വരെയും മേഖലാ മത്സരങ്ങള്‍ ജനുവരി 12, 13 തിയതികളിലും നടക്കും. വിധികര്‍ത്താക്കള്‍ക്കുള്ള ശില്‍പശാല ഡിസംബര്‍ എട്ടിനു കോഴിക്കോട് സമസ്ത ഓഡിറ്റോറിയത്തിലും റെയ്ഞ്ച് സെക്രട്ടറിമാര്‍ക്കുള്ള പരിശീലന ക്ലാസ് ഡിസംബര്‍ 17ന് തൊട്ടില്‍പാലത്തും നടക്കും.
യോഗം സൈനുല്‍ ആബിദീന്‍ തങ്ങള്‍ ഉദ്ഘാടനം ചെയ്തു. ജില്ലാ പ്രസിഡന്റ് കെ.കെ ഇബ്രാഹിം മുസ്‌ലിയാര്‍ അധ്യക്ഷനായി.