കോട്ടയം: സംസ്ഥാന ജൂനിയര്‍ അത്‌ലറ്റിക്ക് മീറ്റില്‍ ഹാമര്‍ ത്രോ മത്സരത്തിനിടെ കായികതാരത്തിന്റെ തലയില്‍ ഹാമര്‍ വീണ് ഗുരുതരമായി പരുക്കേറ്റു. പാലാ സെന്റ് തോമസ് ഹയര്‍ സെക്കന്‍ഡറി സ്‌കൂളിലെ പ്ലസ് വണ്‍ വിദ്യാര്‍ഥി അബേല്‍ ജോണ്‍സണിനാണ് പരുക്കേറ്റത്. ആബേല്‍ ഇപ്പോള്‍ കോട്ടയം മെഡിക്കല്‍ കോളജ് ആശുപത്രിയില്‍ വെന്റിലേറ്ററിലാണ്.

പാലായില്‍ നടക്കുന്ന മത്സരത്തിനിടെ ആബേല്‍ തന്റെ അവസരത്തിന് ശേഷം മാറി നിന്ന് മറ്റുള്ളവരുടെ പ്രകടനം വീക്ഷിക്കുകയായിരുന്നു. ഇതിനിടെയാണ് മറ്റൊരു മത്സരാര്‍ഥി എറിഞ്ഞ ഹാമര്‍ വിദ്യാര്‍ഥിയുടെ തലയില്‍ വീണത്. ഉടന്‍ തന്നെ ആബേലിനെ ആശുപത്രിയിലേക്ക് മാറ്റുകയായിരുന്നു.